‘t Is alweier eine ganse tied truk dat MO ‘t daagleich gezeen haet: 1 december 2016 waar eine ónvergaetelike daag. Saer daen tied zeen bekans 550 exemplare oetgevlaoge, grotendeils in Zitterd mer ouch wied daoboete. MO reip nogal get vraoge op, d’r zoute get ónopgelosde vraoge in ‘t verhaol – en dat waar mit opzét zo gedaon. Want waat oetènjtelik ‘t idee is, is ein trilogie te sjrieve. ‘Klein’ buikskes die samegevoug zoue kènne waere pès ein bouk, wo dan ‘t ganse verhaol dudelik oet wurt. Alle drie de deile ouch vertaald nao ‘t Hólles, zodat de laezer dae neit wies wurt oet ‘t Zittesj (waat neit veursjtèlbaar is, mer goud) de kans te gaeve aeve nao te laeze in de Hóllese versie wie waat en wo.

Veurdat v’r überhaupt aan ein driede deil kènne dènke, zal eesj ‘t tweede deil nog ‘t daagleich mótte gaon zeen. En dat zit d’r aan te kómme! ‘t ‘zösterke’ van MO heisj SYL, dat kènne v’r alvas vertélle. SYL kènt de laezer al oet dat eesjte bouk: zie is de mam van MO en ze haet nogal get te verdoere gehad in ‘t laeve. De vader van MO is neit helemaol sjtabiel te nuime en de gevolge veur SYL zeen groot.. Toch zeen d’r ouch sjoon herinneringe – die helaas get euversjaduwd waere door gesjteurd gedraag van dae man. Wie, waat en wo? Dat laes geer bènnekort in SYL!

Hawt dees website in de gate of volg alle nuuts via de Facebookpagina MO – de Zittesje Thriller.