boek

Mo - De Zittesje thriller

Zittesje Thriller

Maak kènnis mit ein uniek bouk. Eine thriller, gesjreve in ’t Zittesj dialek, ein verhaol euver minsjelikke verhawte, euver graof geweldj en sex. Geine VVV-gids, gein besjtaonde personages: ein fictief verhaol, mit elemente oet Zitterd. Sjpannend, pès de létste letter..

Achter in ’t bouk tref geer ein vertaling in ’t Holles aan, die naoderhandj is gesjreve. Veur de luuj die dao behoefte aan höbbe, zal dit ’t laeze muigelik mékkelikker make.

Daonaeve kènt geer ouch keize veur MO es Loesterbouk! Mit de sjtömme van 15 Zitterdenaere, wurt MO nóg sjpannender. Laeze terwiel geer loestert, op jeder moment, mit of zónger ’t papiere bouk d’rbie. Op de BLOG-pagina van dees website ként geer al ein fragment heure!

Sjpannender Zittesj geef ’t neit..

Direk besjtelle
Waat zaet me euver Mo - De Zittesje thriller

Lizette Colaris (1971)

Gebaore en getaoge Zittesj maedje, mit talent veur taal. Ummer op zuik nao grenze om die dan te verlègke. Geïnspireierd door t laeve en de luuj, de gebeurtenisse die waal en de dènger die me taege kump. Naeve häör wirk es studentendecaan veur Zuyd Hogeschool in Mesjtreich, is ze de greutsje mam van eine zoon en ein dochter.

Sjrieve is ein vanzelfsjpraekende noodzaak veur häör: ze dicht, sjrif verhaole en noe dus dit bouk. Neit eerder haw zie eine thriller gesjreve, en nog geine haw dat in t Zittesj gedaon. Ein oetdaging die Lizette gaer haet aangenómme, en womit zie t sjrieve van de Zittesje sjpraok oet de houk van de sjtöffigheid wilt haole en uch wilt laote zeen dat ouch dit genre zich eigent veur t sjrieve in eur moderstaal!

Anger wirke van Lizette

1989 Ritual – Lizette Colaris & Hardy Mertens (éngelsjtalig gedich)
2013 Platbook 11 – biedrage verhaol euver ‘Vastelaovend’
2014 Platbook 12 – biedrage verhaol euver ’12’
2014 Platbook 13 – biedrage verhaol euver ‘Geldj’
2015 Platbook 15 – biedrage gedich euver ‘(aaf)Lere’
2016 Platbook 16 – biedrage gedich euver ‘Mode’
2016 Passievrucht – bundel gedichte euver ‘Passie’

2017 Platbook 17 – biedrage euver ‘Meziek’

Lizette sjrif daonaeve blogs veur www.InSittardGeleen.nl
Meer informatie euver häör is te vènje op www.100procentlizette.nl

lizette_colaris

Teaser

De deur van kamer 4 waar toe. Hae twiefelde. Nao bénne of eesj de arts vraoge? Bénne in de kamer heurde hae zachte sjtömme. Hae besjloot toch mer geweun bénne te gaon. Twee verpleegsters ware aan ’t bed. Hae koosj in eesjte instantie ’t gezich van Syl neit zeen. De verpleegsters ware ’t infuus aan ’t naokieke en get aan ’t doon waat hae neit koosj zeen. De zonwaering waar aaf, ’t leich gedémp. Hae leip nao veure, aan de kanjt van de vuit van Syl. Noe koosj hae pas goud zeen wie Syl dao loug. Traone sjote in zien ouge wie hae zoug wie sjtil en benao wie dood, Syl waar. ’t Grote mesjien naeve ’t bed gouf korte piepkes, teike dat ’t bloud nog in häör aore sjtruimde en dat zuursjtóf circuleierde. De verpleegsters keke op, groetde Math mit eine korte knik. ‚Ik ben haar man, dit is mijn vrouw…’ begoosj Math. De verpleegsters knikde weier terwiel ze wiejer ginge mit de hanjelinge. ’t Zoug d’r oet esof dat allemaol vanzelf ging, zónger naodenke. ‚Ik zal de dokter zeggen dat u er bent. Hij zal er binnen een kwartier wel zijn’, zag de verpleegster mit de rooj haore. Ze haw gruin ouge, keek häöm kort mer doordringend aan. Alletwee de zusters ginge de kamer oet, en Math bleef allein achter mit Syl. De airco zoemde zach, ein geluid mit een röstige cadans. Veurzichtig ging Math korter bie Syl sjtaon. Hae pakde häör handj vas, häör lang, sjmaal vingesj vuilde sjtief aan. Hae moosj oppasse dat hae die akelige naoj van ’t infuus neit raakde. Syl waar blauw, rood en paars in häör gezich en in de hals. Math koosj zien traone neit bedwinge. Hae vuilde wie ein traon euver zien wang rolde. Miljaar.. dit koosj neit waor zeen. Ze hawwe gistermörge nog gekald euver ’t fees dat ze wólle organiseiere vanwaege häöre verjaordaag. En noe ligk ze hie. Neit waor, toch? Dit koosj neit waor zeen..

Blog

Mo - De Zittesje Thriller

Mo – De Zittesje Thriller is besjikbaar es laesbouk 

en in ’t veurjaor ouch es loesterbouk!

MO-BOUK

Ein thrillerverhaol in ’t Zittesj, uniek in zien saort. Euver leifde, haat, geweld, sex en intrige. De vertaling naar het Nederlands staat achterin het boek!
Pries bouk

15,-

Excl. verzendköste à €4,-

MO-LOESTERBOUK

Ingesjpraoke versie van MO, veurgelaeze door Zittesje luuj. Maak ’t gemèkkelikker!
De voorgelezen versie van het boek,  ingesproken door Sittardse mensen. Dat maakt het eenvoudiger!
Pries Loesterbouk

15,-

Num kontak op

Kontak gegaeves

Mens&Taal
Lichtenbergstraat 17
6136 CK Sittard
info@zittesjethriller.nl

Bank: NL 21 KNAB 0255636334
KvK: 66714532
BTW: NL158938914B02